Enski sóknarmaðurinn Harry Kane mun ekki ná landsleik Englands gegn Belgíu á þriðjudag en þetta staðfesti landsliðsþjálfarinn Gareth Southgate í kvöld.
Kane meiddist í leik með Bayern München rétt fyrir landsleikjatörnina en var samt sem áður valinn í landsliðshópinn fyrir leikina gegn Brasilíu og Belgíu.
Hann var ekki með í 1-0 tapinu gegn Brasilíu í kvöld og verður þá ekki með gegn Belgíu en Southgate greindi frá þessu á blaðamannafundi í kvöld.
„Harry Kane er á leið aftur til Þýskalands þar sem hann mun fá meðhöndlun á ökklameiðslum sínum. Hann verður ekki klár í slaginn fyrir leikinn gegn Belgíu á þriðjudag,“ sagði Southgate.
Bayern reynir nú allt til að gera hann kláran fyrir næsta leik liðsins gegn Borussia Dortmund. Liðið er tíu stigum frá toppliði Bayer Leverkusen.
Athugasemdir