West Ham hefur blandað sér í hóp félaga sem vilja fá Max Aarons (21), bakvörð Norwich og enska U21 landsliðsins. Norwich vill fá að minnsta kosti 30 milljónir punda fyrir leikmanninn. Barcelona, Bayern München og Tottenham hafa áhuga. (Independent)

Möguleiki Manchester United á að fá enska sóknarleikmanninn Jadon Sancho (21) frá Borussia Dortmund gætu hafa aukist fyrst Ed Woodward framkvæmdastjóri er á förum. Samband hans við forráðamenn þýska félagsins hefur ekki verið gott. (Star)

Burnley hefur áhuga á alsírska miðjumanninum Nabil Bentaleb (26) hjá Schalke. Það stefnir í að leikmaðurinn verði fáanlegur á frjálsri sölu í sumar því hann hefur ekki gert nýjan samning við þýska félagið. (Sun)

Úrúgvæski sóknarmaðurinn Edinson Cavani (34) hefur fundað með Manchester United og látið það skýrt í ljós að hann vilji yfirgefa félagið og halda aftur til Suður-Ameríku til að vera nær fjölskyldu sinni. Hann hefur verið orðaður við Boca Juniors undanfarna mánuði. (Depo)

Tyrkneski markvörðurinn Ugurcan Cakir (25) sem hefur oft verið orðaður við Liverpool gæti verið á leið til Borussia Dortmund. Þýska félagið hefur gert gott tilboð í þennan leikmann Trabzonspor en Aston Villa og Atletico Madrid hafa einnig áhuga. (Fotospor)

Liverpool hefur áhuga á tékkneska sóknarmanninum Adam Hlozek (18) hjá Sparta Prag. (Football Insider)

Dean Smith, stjóri Aston Villa, segir ekki vera á áætlun að kaupa Ross Barkley (27) alfarið frá Chelsea þegar lánssamningur hans rennur út eftir tímabilið. (Mirror)

Jurgen Klinsmann sagði að allt gæti gerst þegar hann var spurður að því hvort hann gæti snúið aftur í stjórastól Tottenham. (ESPN)

Stan Kroenke hyggst ekki selja Arsenal og mun sjá um að greiða kostnaðinn í kringum misheppnaða stofnun Ofurdeildarinnar. (Evening Standard)

Roma ætlar að funda með umboðsmönnum Jannik Vestergaard (28), varnarmanns Southampton og danska landsliðsins. Tottenham og Juventus hafa einnig áhuga á miðverðinum öfluga. (Tuttomercatoweb)

Joe Willock (21), miðjumaður Arsenal, segist vilja vera áfram hjá Newcastle á næsta tímabili en hann hefur notið sín á lánssamningi á St James' Park. (Football Insider)

Juventus er tilbúið að bjóða franska miðjumanninn Adrien Rabiot (26) til Manchester United sem hluta af tilboði í brasilíska varnarmanninn Alex Telles (28). (Calciomercato)

Erik Lamela (29) er tilbúinn að yfirgefa Tottenham og halda til Ítalíu. Napoli og AC Milan hafa áhuga á argentínska vængmanninum. (Area Napoli)

Sassuolo hefur sett 13 milljóna punda verðmiða á ítalska sóknarmanninn Giacomo Raspadori (21) sem hefur verið orðaður við Inter og Juventus.. (Calciomercato)

Celtic og Rangers hafa áhuga á því að fara í ensku úrvalsdeildina. (TalkSport)