Borussia Dortmund er búið að krækja í tyrkneska miðjumanninn Salih Özcan, sem var fyrirliði upp unglingastarfið hjá FC Köln og átti að vera framtíðarfyrirliði félagsins.
Özcan hefur átt frábært tímabil og verið lykilmaður í liði Kölnar sem endaði í sjöunda sæti þýsku deildarinnar og spilar því í Sambandsdeildinni í haust.
Özcan er 26 ára gamall og fór upp í gegnum yngri flokka Kölnar þar sem hann bar yfirleitt fyrirliðabandið.
Miðjumaðurinn baráttuglaði á einn A-landsleik að baki fyrir Tyrkland, sem kom gegn Ítalíu fyrr á þessu ári, en áður fyrr var hann gríðarlega mikilvægur hlekkur í yngri landsliðum Þjóðverja. Özcan á yfir 50 leiki að baki fyrir yngri landsliðin, þar á meðal 15 leiki fyrir U21.
Dortmund borgar 6 milljónir evra fyrir Özcan sem þrefaldast næstum í launum við félagaskiptin. Hann mun berjast við Emre Can um byrjunarliðssæti hjá sínu nýja félagi.
🆕 Der nächste Neuzugang für die kommende Spielzeit steht fest! Vom @fckoeln wechselt der türkische Nationalspieler Salih #Özcan zu Borussia Dortmund und unterschreibt einen Vertrag bis 2026. 👋🇹🇷
— Borussia Dortmund (@BVB) May 23, 2022
🗞👉 https://t.co/v94x66nBRz