„Þeir voru sprækir og gáfu okkur góðan leik. Mér við samt hafa ákveðna yfirburði í leiknum, við fengum töluvert fleiri færi og vorum kannski klaufar að klára leikinn ekki fyrr og fyrst við gerðum það ekki voru þeir á lífi alveg fram á síðustu mínútu.“
Sagði Jón Sveinsson þjálfari Fram um leikinn þegar Framarar lögðu ÍR 3-1 í Mjólkurbikarnum á Framvelli fyrr í kvöld.
Sagði Jón Sveinsson þjálfari Fram um leikinn þegar Framarar lögðu ÍR 3-1 í Mjólkurbikarnum á Framvelli fyrr í kvöld.
Lestu um leikinn: Fram 3 - 1 ÍR
Framarar gerður margar breytingar frá liði sínu frá sigrinum gegn Leikni.F í Lengjudeildinni um síðastliðna helgi. Var pælingin að hvíla menn og leyfa öðrum að sanna sig?
„Já algjörlega og ég held að það hafi verið svipað hjá andstæðingnum í dag og mörg lið í þessari stöðu er að rúlla á liðunum. Það er mikið álag á okkur og það verður mikið álag í sumar þannig að menn verða að nota hópinn.“
Næsti leikur Fram er gegn Magna á Grenivík í 2.umferð Lengjudeildarinnar.
„Það er næsti leikur og að sjálfsögðu förum við í alla leiki til þess að vinna þá en það þurfa kannski að vera mismunandi aðferðir til þess. En það verður mjög erfiður leikur að fara á Grenivík, Magni er með hörku fínt lið og við vitum að heima eru þeir erfiðir svo við þurfum að undirbúa okkur fyrir verðugt verkefni þar.“
Allt viðtalið má sjá hér að ofan.
Athugasemdir