Jurgen Klopp, stjóri Liverpool, hefur varað leikmenn sína við því að þeir þurfi að spýta í lófana og gera betur á útivöllum til að komast upp úr riðli sínum í Meistaradeildinni.
Liverpool tapaði á útivelli gegn Napoli í fyrstu umferðinni en marði síðan Red Bull Salzburg á heimavelli á dögunum. Í kvöld mætir liðið Genk á útivelli í Belgíu.
Í fyrra tapaði Liverpool öllum þremur útileikjum sínum í riðlakeppninni en komst samt áfram með níu stig og endaði á að vinna keppnina.
Liverpool hefur samanlagt einungis unnið einn af síðustu tíu útileikjum sínum í riðlakeppni Meistaradeildarinnar en sá leikur var gegn Maribor í Slóveníu fyrir tveimur árum.
Liverpool tapaði á útivelli gegn Napoli í fyrstu umferðinni en marði síðan Red Bull Salzburg á heimavelli á dögunum. Í kvöld mætir liðið Genk á útivelli í Belgíu.
Í fyrra tapaði Liverpool öllum þremur útileikjum sínum í riðlakeppninni en komst samt áfram með níu stig og endaði á að vinna keppnina.
Liverpool hefur samanlagt einungis unnið einn af síðustu tíu útileikjum sínum í riðlakeppni Meistaradeildarinnar en sá leikur var gegn Maribor í Slóveníu fyrir tveimur árum.
„Í fyrra vorum við heppnir hversu jafn riðillinn var því við gátum tapað þrívegis á útivelli og ennþá átt möguleika á að komast upp úr riðlinum. Það gerist ekki í ár. Þetta er allt öðruvísi," sagði Klopp.
„Við getum ekki bara treyst á heimaleikina eða eitthvað slíkt. Auðvitað eru Evrópukvöldin á Anfield mjög sérstök en önnur lið geta líka búið til sérstakt andrúmsloft."
Athugasemdir