Lestu um leikinn: Valur 6 -  0 Þór/KA

„Við vissum það fyrir að Valsliðið hefur yfir gæðaleikmönnum að ráða í hverri stöðu og þetta yrði erfitt. Þetta bara klikkaði í dag og mér fannst við gefa Valsliðinu alltof auðveldan leik," bætti hann við.

Valur komst yfir með marki Hlínar Eiríksdóttur eftir 11 mínútur og eftir það komu mörkin á færibændi. En hvað var uppleggið í dag?

„Við ætluðum bara að mæta með okkar leik og ekki vera í varnarleik allan tíma og sitja aftur. Við vildum reyna að sækja og vera hátt uppi á vellinum en það bara tókst ekki í dag og því miður fékk Valur auðveldan leik."

Fannst Andra leikmenn ekki vera að fylgja skipulaginu sem hann lagði upp eða var einhver hræðsla?

„Skipulagið var allt í lagi en kannski hræðsla og respect á Valsliðið. Mér fannst við alls ekki til í þann fighting sem við vissum að þyrfti að fara í til að eiga séns í Valsliðið. Gæðin eru eitt en þegar maður er ekki tilbúinn að fara í tæklingar og návígi og eru bara að pota tánni þá fer bara illa."

Nánar er rætt við Andra í sjónvarpinu að ofan.