Fotbolti.net
25.06.22 - 06:00
Brynjar Ingi Erluson

Brighton fær framherja frá Nordsjælland (Staðfest)

Simon Adingra

Simon Adingra

Canon

Mynd: Getty Images

Enska úrvalsdeildarfélagið Brighton er búið að ganga frá kaupum á Simon Adingra en hann kemur frá danska félaginu Nordsjælland.
Adingra er 20 ára gamall og kemur frá Fílabeinsströndinni en hann kom til Nordsjælland frá Right To Dream-akademíunni í Gana fyrir tveimur árum.

Framherjinn skoraði 10 mörk og lagði upp 4 í öllum keppnum með danska liðinu á síðustu leiktíð.

Enska úrvalsdeildarfélagið Brighton hefur fylgst með leikmanninum í einhvern tíma og hefur nú staðfest kaupin á honum.

Brighton greiðir Nordsjælland tæpar 7 milljónir punda en félagið tilkynnti komu hans í gær.

Þetta er annar leikmaðurinn sem Brighton kaupir í sumar en Julio Enciso kom til félagsins frá Libertad á dögunum.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.