Jamie Vardy er kominn til baka úr meiðslum og var honum skipt inn á 60. mínútu þegar staðan var enn markalaus. Tuttugu mínútum síðar gerði hann það sem reyndist vera sigurmark Leicester.

Vardy var valinn sem maður leiksins hjá Sky Sports. Hann og Jonny Evans eru einu leikmennirnir sem fengu 8 í einkunn. Kasper Schmeichel, Wesley Fofana, Christian Fuchs og Cengiz Ünder, kom einnig inn af bekknum og lagði upp sigurmark Vardy, fengu allir 7 fyrir sinn þátt.

Harvey Barnes þótti slakastur í liði Leicester og fékk 5, rétt eins og flestir leikmenn í liði Arsenal.

Kieran Tierney og Thomas Partey eru einu leikmenn heimamanna sem fengu 7 í einkunn.

Arsenal: Leno (6), Bellerin (6), Luiz (5), Gabriel (5), Tierney (7), Xhaka (6), Partey (7), Ceballos (5), Saka (5), Lacazette (5), Aubameyang (5).
Varamenn: Mustafi (5), Pepe (5)

Leicester: Schmeichel (7), Castagne (6), Fofana (7), Evans (8), Fuchs (7), Justin (6), Mendy (6), Tielemans (6), Praet (6), Barnes (5), Maddison (6).
Varamenn: Vardy (8), Under (7)

---

Wolves tók þá á móti Newcastle og stjórnaði leiknum frá upphafi til enda. Úlfunum líður eflaust svolítið eins og leikmönnum Arsenal þar sem þeir komust yfir á 80. mínútu en fengu ódýrt og óverðskuldað jöfnunarmark í andlitið undir lokin.

Jacob Murphy gerði mark Newcastle beint úr aukaspyrnu og var hann valinn maður leiksins. Murphy er kantmaður sem átti flottan leik í stöðu hægri vængbakvarðar í fimm manna varnarlínu.

Murphy fékk 8 fyrir sinn þátt og var enginn annar á vellinum sem fékk svo háa einkunn.

Wolves: Patricio (6), Boly (7), Coady (6), Kilman (6), Semedo (7), Dendoncker (6), Neves (7), Neto (7), Saiss (6), Jimenez (7), Podence (7).
Varamenn: Marcal (6), Traore (6)

Newcastle: Darlow (7), Schar (6), Lascelles (7), Fernandez (7), Lewis (6), Murphy (8), Hendrick (7), Fraser (6), Almiron (7), Saint-Maximin (6), Wilson (6).
Varamenn:Joelinton (5), Longstaff (5)