Gylfi Þór hefur verið að fá mikinn spiltíma að undanförnu í fjarveru kólumbíska miðjumannsins James Rodriguez.

Gylfi var tekinn í viðtal eftir sigurinn gegn Sheffield og sló á létta strengi.

„Stjórinn færði mig aftar á miðjuna, ég er ekki alveg viss hvað ég var að gera í teignum þegar ég skoraði markið!" sagði Gylfi Þór í gríni. „Við vissum að þetta yrði erfiður leikur gegn öflugu liði sem hefur verið ótrúlega óheppið á tímabilinu.

„Við sýndum mikla þolinmæði í kvöld og núna þurfum við að passa okkur að halda áfram að safna stigum. Við megum ekki tapa stigum eins og við gerðum í haust. Það er frábært að vera í öðru sæti í deildinni."

Everton er tveimur stigum eftir toppliði Liverpool sem á leik til góða.