ÍA og KA mættust upp á Skaga í Pepsi Max-deildinni í dag og fór svo að ÍA fór með 3-1 sigur af hólmi.
Tryggvi Hrafn Haraldsson (2) og Viktor Jónsson skoruðu mörk ÍA, en það var Hallgrímur Mar Steingrímsson sem skoraði fyrir gestina frá Akureyri.
Tryggvi Hrafn Haraldsson (2) og Viktor Jónsson skoruðu mörk ÍA, en það var Hallgrímur Mar Steingrímsson sem skoraði fyrir gestina frá Akureyri.
Þriðja mark Skagamanna skoraði Tryggvi Hrafn beint úr aukaspyrnu. Varnarveggur, sem hinn 19 ára gamli Aron Dagur Birnuson í marki KA, stillti upp vakti hörð viðbrögð á samfélagsmiðlum. Tryggvi Hrafn setti boltann fram hjá varnarveggnum og í markið.
Vísir.is hefur birt myndband af mörkum leiksins og má sjá þau með því að smella hérna.
Óli Stefán Flóventsson sagði í viðtali eftir leik að KA-myndi standa þétt við bakið á ungu strákunum sem eru að spila með liðinu. Einnig voru gerð mistök í fyrsta marki leiksins en þau voru gerð af 19 ára gamla varnarmanninum Brynjari Inga Bjarnasyni.
„Ég stend hérna fyrir hönd KA og segi að þetta eru ungir strákar sem eru að koma inn og gera mistök. Þetta er kostnaðurinn við að taka unga stráka inn og gefa þeim tækifæri. En á endanum fáum við sterkari leikmenn og það er það sem við erum að reyna að gera," sagði Óli Stefán við Fótbolta.net.
TRYGGVI HRAFN AGAIN! 3-1 @ia_akranes. Not to take credit away from the finish but what is going on with that wall?! Whole right side of the goal exposed, Aron Dagur not taking command. Óli Stefán got it wrong today for me, wrong line up and Aron Elí should in goal, not in Magni.
— Lucas Arnold (@FotboltiLucas) April 27, 2019
Ég öskraði á sjónvarpið í aukaspyrnu Skagamanna að færa vegginn, vissi að þetta yrði mark. Lágmark í Pepsí Max-deildinni að geta stillt upp varnarvegg Aron Dagur minn, sér enginn í KA liðinu eða teyminu hvað veggurinn er illa uppstilltur? Smá standard takk!
— Egill Sigfússon (@EgillSi) April 27, 2019
Uppstilling varnarveggs KA í þessu 3. marki Skagamanna er mikið rannsóknarefni.
— Daníel Magnússon (@danielmagg77) April 27, 2019
Jesús... þessi uppstilling á varnarveggnum hjá KA #fotboltinet
— Rúnar Rúnarsson (@runarsson7) April 27, 2019
Athugasemdir