Boateng verður 33 ára í september og náði ekki samkomulagi um framlengingu á samningi sínum við Bayern.

Boateng mun því yfirgefa félagið ásamt David Alaba í sumar og þjálfaranum Hansi Flick. Flick er ósáttur með að félagið hafi ekki samið að nýju við Thiago Alcantara, Alaba og Boateng.

Boateng hefur unnið sex mismunandi keppnir með FC Bayern, auk þess að vinna enska bikarinn með Manchester City og Heimsmeistaramótið með þýska landsliðinu.

„München er orðið að mínu öðru heimili og mun ávalt eiga stað í hjarta mínu. Ég er spenntur fyrir næsta kafla," segir meðal annars í yfirlýsingu frá Boateng.