Ederson, markvörður Manchester City, fékk að líta rautt spjald fyrir brot á Diogo Jota, sóknarmanni Wolves. Þó eru það gestirnir frá Manchester sem leiða.

Raheem Sterling skoraði eina mark leiksins til þessa er hann fylgdi á eftir vítaspyrnu sem Rui Patricio í marki Úlfanna varði.

Patricio varði reyndar tvær vítaspyrnur frá Sterling, en fyrri vítaspyrnan var dæmd ógild þar sem leikmenn voru komnir inn í teiginn áður en Sterling sparkaði í boltann. Það virðast þó hafa verið leikmenn frá báðum liðum.

Smelltu hérna til að sjá brotið og fyrri vítaspyrnu Sterling.

Vítaspyrnan var aftur tekin og þar náði Sterling frákastinu og skoraði.

Margir eru ósáttir með VAR í ensku úrvalsdeildinni á þessu tímabili. Nokkur tilvik eru um mjög tæpa VAR-dóma, rangstöður og annað. Þá hefur það verið gagnrýnt að dómarar fara ekki að skjá til að skoða atvik, heldur treysta á aðra dómara í sérstöku VAR-herbergi.

Steve Cook, varnarmaður Bournemouth, er á meðal þeirra sem hafa fengið sig fullsadda af VAR. Hans skilaboð á Twitter eru einföld. „Þetta er ekki fótbolti."

Það er hálfleikur í leik Wolves og Man City. Staðan er 1-0. Hægt er að fylgjast með gangi mála í úrslitaþjónustu á forsíðu.