Unai Emery, stjóri Arsenal, sat fyrir svörum á fréttamannafundi í dag, en hann vildi ekkert segja til um það hvort Granit Xhaka haldi fyrirliðabandinu.

Xhaka brást reiður við þegar baulað var á hann þegar hann var tekinn af velli um helgina og kallaði 'fokk off' til stúkunnar.

Margir stuðningsmenn Arsenal hafa kallað eftir því að hann verði sviptur fyrirliðabandinu.

„Þetta er ekki auðvelt mál fyrir hann og fyrir liðið. Hann er núna eyðilagður. Við höfum verið að ræða málin," segir Emery.