Arsenal, Juventus og Manchester United voru öll með njósnara á leik Mónakó og Manchester City í Meistaradeildinni á miðvikudaginn. Leikmaðurinn sem njósnararnir voru að fylgjast með var Tiemoue Bakayoko, miðjumaður Mónakó.
Bakayoko, sem er 22 ára gamall, hefur verið að spila fantavel í Frakklandi og það hefur orðið til þess að stærstu lið Evrópu eru farin að bera kvíurnar í hann.
Bakayoko, sem er 22 ára gamall, hefur verið að spila fantavel í Frakklandi og það hefur orðið til þess að stærstu lið Evrópu eru farin að bera kvíurnar í hann.
Bakayoko var á skotskónum á miðvikudaginn, en hann skoraði markið mikilvæga sem tryggði Mónakó áfram í 8-liða úrslit. Hann kom sínum mönnum í 3-1 með skallamarki.
Samkvæmt frönsku fréttasíðunni Foot 365 voru njósnarar frá Arsenal, Juventus og Man Utd á leiknum. Öll liðin eru sögð fylgjast með Bakayoko í þeirri von um að kaupa hann í sumar.
Hann mun þó ekki fara ódýrt, en verð hans fer hækkandi. Mónakó er sagt vilja fá meira en 50 milljónir punda fyrir hann.
Athugasemdir