Íslandsmeistarar Vals eru á toppnum eftir sigur á KA. Guðjón Pétur Lýðsson skoraði eitt og lagði upp eitt og er á miðjunni ásamt Baldri. Arnar Sveinn Geirsson hefur komið sterkur inn í vörn Vals eftir að hann var kallaður úr láni frá KH. Arnar Sveinn er í liði umferðarinnar í annað sinn í röð.

Steven Lennon skoraði besta mark Íslandsmótsins hingað til í gær þegar FH gerði 2-2 jafntefli við KR. Kristinn Jónsson sýndi flottan leik sóknarlega og varnarlega og lagði upp eitt mark fyrir KR í þessum geggjaða fótboltaleik.

Davíð Þór Ásbjörnsson fór fyrir sínum mönnum í Fylki er Árbæjarliðið lagði Keflavík í nýliðaslag. Emil Ásmundsson og Ásgeir Örn Arnþórsson voru einnig sterkir í þeim leik en þeir rétt missa af sæti í liði umferðarinnar.

Víkingur vann þá 2-1 sigur á ÍBV. Bæði lið eiga fulltrúa í liði umferðarinnar. Nikolaj Hansen skoraði bæði mörk Víkings og Halldór Páll Geirsson átti nokkrar góðu vörslur í marki ÍBV. Hann hefur komið sterkur inn fyrir Derby Carrillo.

Breiðablik kláraði Grindavík suður með sjó. Sveinn Aron Guðjohnsen var maður leiksins þar í sterku Blikaliði.

Hér að ofan má sjá lið umferðarinnar.