Rose er ekki nafn sem margir íslenskir knattspyrnuáhugamenn þekkja en hann er stjóri RB Salzburg í Austurríki. Hann er 42 ára gamall og var að þjálfa unglingaliðin hjá Salzburg áður en hann tók við aðalliðinu árið 2017.

The Sun segir frá því í dag að Ed Woodward, framkvæmdastjóri United, sé búinn að teikna upp lista af mögulegum knattspyrnustjórum fyrir næsta tímabil, ef ekki tekst að fá Mauricio Pochettino frá Tottenham.

Rose er á þessum lista ásamt Zinedine Zidane, Laurent Blanc og Ole Gunnar Solskjær, sem stýrir United nú tímabundið.

Rose stýrði Salzburg til meistaratitilsins í Austurríki á sínu fyrsta tímabili ásamt því að hann kom liðinu í undanúrslit Evrópudeildarinnar. Í augnablikinu er Salzburg með 14 stiga forskot á toppnum í Austurríki og er liðið taplaust í öllum keppnum.

Rose var sem leikmaður hjá Mainz 05 í Þýskalandi og spilaði þar undir stjórn Jurgen Klopp, núverandi stjóra Liverpool. Klopp og Rose eru góðvinir í dag.

Manchester United are considering Red Bull Salzburg boss Marco Rose as an option for the permanent manager's job at Old Trafford, according to reports ✍

The right man? pic.twitter.com/yDnLef0lvf

— Goal (@goal) January 1, 2019