Aston Villa fékk sænska landsliðsmarkvörðinn Robin Olsen lánaðan frá Roma í janúar með 3,5 milljón evra kaupmöguleika.
Villa ætlar að nýta sér þennan möguleika á Olsen sem rennur út á samningi á næsta ári.
Olsen er 32 ára gamall og spilaði aðeins einn leik á sex mánaða dvöl sinni hjá Villa.
Hann er hugsaður sem varamarkvörður fyrir Emiliano Martinez og getur veitt honum góða samkeppni.
Olsen hefur leikið fyrir Everton og Sheffield United á láni undanfarin tímabil og á í heildina 35 leiki að baki fyrir Roma.
Roma er að safna sér pening til að kaupa Yves Bissouma, eftirsóttan miðjumann Brighton.
Bissouma er 25 ára gamall og á aðeins eitt ár eftir af samningi sínum við Brighton.
Kapphlaupið um Bissouma verður þó erfitt en Brighton hafnaði tilboði frá Aston Villa í leikmanninn í janúar og hafa Tottenham og Manchester United einnig verið nefnd til sögunnar.