Nýjar íbúðir verða byggðar á Seyðisfjarðarvelli sem er einn elsti knattspyrnuvöllur landsins í júní og í tilefni þess var spilaður kveðjuleikur á vellinum þann 22. maí.

Þar sem knattspyrnuaðstaða er döpur á Seyðisfirði komu fyrrum leikmenn Hugins þeir Birkir Pálsson og Rúnar Freyr Þórhallsson söfnun af stað með hjálp stuðningsmannafélags Hugins (Hugins Býflugunnar).

Fjármagnið sem safnast saman er ætlað til þess að byggja upp heilsársaðstöðu fyrir ungt knattspyrnufólk á Seyðisfirði. Hugmyndin er að byggja yfir sparkvöllinn á Seyðisfirði og svipar hugmyndin til þess sem gert var á Borgarfirði Eystra þar sem hægt er að stunda knattspyrnu allt árið á yfirbyggðum knattspyrnuvelli.

Nú þegar hefur nokkuð fjármagn safnast saman með frjálsum framlögum í kjölfar kveðjuleiksins ásamt því að Huginssjoppan var til staðar að selja vörur til styrktar verkefninu.

Þeir sem vilja leggja verkefninu lið er bent á styrktarreikning verkefnisins:

Kt: 510381-0259
Reikningsnr: 0175-26-010041