Miðjumaðurinn Þórir Jóhann Helgason spilaði sinn fyrsta A-landsleik í síðustu viku þegar Ísland tapaði naumlega gegn Mexíkó í Texas.
Þórir verður 21 árs síðar á þessu ári en hann hefur verið öflugur með FH í Pepsi Max-deildinni.
Þórir Jóhann, sem er uppalinn í Haukum, verður samningslaus eftir þetta tímabil og það var fjallað um það í Dr Football hlaðvarpinu í dag að önnur félög í efstu deild væru farin að sýna honum áhuga.
„Að sjálfsögðu eru Blikarnir komnir í þetta. Þeir eru bestir í þessu, þeir eru vakandi," sagði Hjörvar Hafliðason.
Hjörvar sagði jafnframt að Valur þyrfti að blanda sér í baráttuna um Jóhann, þar sem Valsliðið væri „eldgamalt".
Þórir Jóhann á minna en sex mánuði eftir af samningi sínum og því geta önnur félög rætt við hann.
Hvaða lið tekur Þórir Jóhann í haust sem verður samningslaus? Tókum A, B og C riðil á EM restin á morgun.https://t.co/pUotRSRby5
— Dr. Football Podcast (@drfootballpod) June 3, 2021
Athugasemdir