Bikarmeistararnir.
Breiðablik/Augnablik er bikarmeistari í 2. flokk eftir 5-1 sigur á ÍA á Kópavogsvelli fyrr í þessari viku.
Melina Ayres skoraði fyrstu þrjú mörk leiksins og Kópavogsliðið leiddi 3-0 í hálfleik.
Sara Svanhildur Jóhannsdóttir bætti við fjórða markinu áður en að Vala María Sturludóttir minnkaði muninn fyrir ÍA á 87. mínútu.
Karen María Sigurgeirsdóttir gerði fimmta mark Breiðabliks/Augnabliks mínútu síðar og þar við sat. Lokatölur 5-1 fyrir Kópavogsfélagið, sem tapaði í úrslitaleik í meistaraflokki gegn Valskonum.
Þjálfarar liðsins eru þau Kristrún Lilja Daðadóttir og Hilmar Sigurjónsson.
Athugasemdir
