Fimm dögum eftir niðurlæginguna gegn Sheriff Tiraspol frá Moldóvu þá tapaði Real Madrid fyrir Espanyol. Ekki alveg svarið sem Carlo Ancelotti leitaði eftir en eftir leik sagði hann frammistöðuna þá verstu hjá liðinu á tímabilinu.

Í Þýskalandi töpuðu meistararnir í Bayern München óvænt fyrir Eintracht Frankfurt en þetta var fyrsta tap Bæjara í deildinni. Þetta var fyrsti útisigur Frankfurt gegn Bayern síðan 2000. á var þetta fyrsti tapleikur Bayern á heimavelli í deildinni síðan 2019.

Lionel Messi, Neymar og Kylian Mbappe byrjuðu allir fyrir Paris St-Germain sem tapaði fyrir Rennes 2-0 og átti ekki skot á markið. Pochettino talaði um það eftir leikinn að hann hefði orðið fyrir miklum vonbrigðum með sitt lið.

Hollensku meistararnir í Ajax höfðu unnið sex af fyrstu sjö deildarleikjum sínum. En Utrecht fylgir í humátt eftir óvæntan sigur á Johan Cruyff Arena. Vinstri bakvörðurinn Django Warmerdam skoraði eina markið í leiknum þrátt fyrir yfirburði Ajax sem var 69% með boltann og átti 20 skottilraunir á móti 8 hjá gestunum. Svona er boltinn.