Roma fer í umspil um sæti í 16 liða úrslit Evrópudeildarinnar eftir sigur á Ludogorets í gær.
Leiknum lauk með 3-1 sigri en Roma var marki undir í hálfleik. Jose Mourinho stjóri liðsins segir að liðið verði að sýna betri frammistöðu í umspilinu.
„Við snérum þessu við en við verðum að spila betur. Nú mætum við hákörlunum sem koma úr Meistaradeildinni og verðum að gera betur í öllu," sagði Mourinho.
Liðin sem höfnuðu í 3. sæti í sínum riðli í Meistaradeildinni mæta liðunum sem höfnuðu í 2. sæti í sínum riðlum í Evrópudeildinni í umspilinu. Liðin í Meistaradeildinni eru meðal annars Ajax, Juventus og Barcelona.
Athugasemdir
