Gabríel Snær er fæddur árið 2007 og er partur af U17 ára landsliði Íslands sem er statt í Finnlandi þessa dagana til að spila vináttulandsleiki við jafnaldra sína frá Finnlandi.

Gabríel er uppalinn hjá Blikum og hefur komið við sögu í einum keppnisleik með meistaraflokki, í efri hluta Bestu deildarinnar í fyrra. Hann fékk þá að spila síðustu mínúturnar í 0-2 tapi gegn Stjörnunni í október.

Gabríel á tvo leiki að baki fyrir U15 landslið Íslands og fjóra fyrir U17 landsliðið.