Frank Leboeuf, sem var í sigurliði Frakklands á EM 2020, segir að Portúgal geti farið með sigur af hólmi á Evrópumótinu í sumar en aðeins ef Cristiano Ronaldo spilar ekki.
Ronaldo er orðinn 39 ára gamall og spilar hann með Al-Nassr í Sádi-Arabíu.
Ronaldo er einn besti fótboltamaður sögunnar en Leboeuf telur að hann muni ekki hjálpa portúgalska landsliðinu ef hann spilar með því á mótinu í sumar.
„Portúgal er eitt líklegasta liðið á Evrópumótinu. Ég tel að þeir geti unnið mótið en bara ef Ronaldo spilar ekki," segir Leboeuf.
„Ronaldo hefur gert rosalega mikið í fótboltanum en allt tekur endi. Hann er ekki að spila á hæsta stigi lengur."
Ronaldo skoraði tíu mörk í níu leikjum í undankeppninni og það er líklegt að hann verði byrjunarliðsmaður í liði Portúgal á Evrópumótinu. Ágætis möguleiki er á því að þetta verði hans síðasta stórmót.
Athugasemdir