Hjulmand er 24 ára Dani sem var hjá Lecce áður en hann kom til Sporting á síðasta ári. Hann er fjölhæfur miðjumaður sem orðið hefur lykilmaður hjá Sporting.

Portúgalska blaðið Record sendi njósnara til að fylgjast með Hjulmand þegar Sporting vann granna sína í Benfica 2-1 síðasta fimmtudag.

Hjulmand er með Arsenal húðflúr en hann er mikill stuðningsmaður liðsins og Patrick Vieira var fyrirmynd hans í æsku. Arsenal eru erkifjendur Tottenham og spurning hvernig stuðningsmenn Spurs taka í þetta.

„Pabbi minn studdi Arsenal og við horfðum saman á leiki þegar við vorum yngri,“ sagði Hjulmand í viðtali á sínum tíma þegar hann var spurður út í húðflúrið.