Matthías lék með Þór og Grindavík á sínum ferli í fótboltanum. Hann spilaði með Grindavík í Pepsi-deildinni 2018 en eftir það fór fótboltinn til hliðar og þá gafst meiri tími í pílukastið.

Sjá einnig:
Matthías Örn hættur í fótbolta - Einbeitir sér að pílukasti

Matthías hefur verið að ná stórkostlegum árangri til þessa og um næstu helgi mun hann ná sögulegum áfanga er hann verður fyrsti íslenski þáttakandinn til að taka þátt á PDC Nordic Masters í Kaupmannahöfn.

Um er að ræða stórt pílumót þar sem margir bestu pílukastarar heims taka þátt; má þar nefna sjálfan heimsmeistarann Peter Wright.

Pílukast er íþrótt sem er að aukast mjög í vinsældum og verður gaman að fylgjast með Matthíasi á mótinu sem framundan er.