Sænska landsliðskonan Stina Blackstenius skoraði þrennu í 4-0 sigri Arsenal á Aston Villa í undanúrslitum enska deildabikarsins í kvöld.
Arsenal skoraði öll fjögur mörkin í fyrri hálfleiknum. Blackstenius skoraði tvö mörk á tveimur mínútum snemma leiks áður en Frida Maanum gerði þriðja markið á 18. mínútu.
Blackstenius fullkomnaði þrennu sína undir lok fyrri hálfleiksins og voru þá vonir Villa úti.
Arsenal mun mæta Chelsea eða Manchester City í úrslitum en þau spila annað kvöld.
Arsenal hefur unnið bikarinn oftast allra liða eða sex sinnum, en Man City kemur næst með fjóra titla.
Next stop? Conti Cup final ???? pic.twitter.com/sdqj5EPAu3
— Arsenal Women (@ArsenalWFC) March 6, 2024
Athugasemdir