Conte var mættur í vinnuna í morgun.
Það gengur ansi hægt hjá forráðamönnum Chelsea að ákveða sig hver verður við stjórnvölinn á Brúnni á næsta tímabili.
Antonio Conte og starfslið hans voru á æfingasvæði Chelsea í morgun þegar leikmenn sneru til baka frá sumarfríi.
Maurizio Sarri hefur ítrekað verið orðaður við stjórastarfið en samningsviðræður á milli Napoli og Chelsea eru í algjörum hnút. Forseti Napoli, Aurelio De Laurentiis bíður eftir betra tilboði frá Chelsea.
Sarri sjálfur er ekki staddur í London en bíður merki þess efnis að hann verði ráðinn. Málið er ansi sérsakt því að Carlo Ancelotti hefur óformlega tekið við liðinu þó að Sarri sé formlega þjálfari liðsins. Undirbúningstímabil Napoli hefst á þriðjudaginn og það verður áhugvert að sjá hver stýrir æfingu liðsins þá.
Athugasemdir
