Leik Grindavíkur og Víkings R. hefur verið frestað um sólarhring vegna veðurs. Leikurinn átti að fara fram í Grindavík í kvöld en hann fer nú fram annað kvöld klukkan 19:15.
Vindhraði í Grindavík er í kringum 14 metra á sekúndu núna og bæta á í vindinn eftir því sem líða tekur á daginn.
Vindurinn stendur beint á annað markið og ákveðið var að fresta leiknum um einn sólarhring þar sem það var mögulegt.
Einn leikur fer fram í Pepsi-deildinni í kvöld en á morgun eru þrír leikir á dagskrá.
Í dag
19:15 Breiðablik-KR (Kópavogsvöllur)
Á morgun
18:00 KA-FH (Akureyrarvöllur)
19:15 Fjölnir-Keflavík (Extra völlurinn)
19:15 Grindavík-Víkingur R. (Grindavíkurvöllur)
Athugasemdir