Lestu um leikinn: Valur 1 -  1 Fram

„Mér fannst þetta mjög flott, við vorum í skipulaginu og Valur var ekkert að opna okkur. Við fengum færi, en því miður skoruðu mvið ekki fleiri."

„Við vorum búnir að teikna þetta upp (jöfnunarmarkið) á æfingasvæðinu hjá Gareth Owen (aðstoðarþjálfara)."

Viktor Bjarki Daðason skoraði jöfnunarmark Fram. „Viktor er svakalegur. Hvað er hann, 15 ára eða eitthvað? Ég er bara búinn að ná þremur æfingum með honum. Þetta eru alvöru gæði."

Þorri Stefán Þorbjörnsson, sem lék með grímu eftir að hafa nefbrotnað í síðasta leik, lagði upp markið. „Þorri er geggjaður, ég var með honum í FH líka. Þorri og Viktor eru báðir geggjaðir."

Haraldur var keyptur aftur til Fram frá FH á lokadegi félagaskiptagluggans. Hann gekk í raðir FH frá Fram eftir tímabilið 2024.

„Aðdragandinn var sá að ég vildi fá fleiri mínútur. Eftir samtal við Heimi og Rúnar þá varð þetta niðurstaðan. Það er geggjað að vera kominn aftur í Fram, gaman að spila fyrir Fram aftur."

„Árin í FH voru upp og niður. Fyrsta árið er alvöru basl en árið í fyrra var geðveikt."

Var einhver spurning um að taka slaginn og berjast um fleiri mínútur hjá FH?

„Að sjálfsögðu var það, ég pældi alveg í þeim möguleika alveg eins og að koma í Fram. En niðurstaðan var Fram."

„Þetta var smá tæpt en þetta kláraðist (fyrir gluggalok)."

Var eitthvað stress?

„Nei nei, það hefði ekkert verið hrikalegt ef ég hefði verið áfram í FH. Þetta kláraðist og það er bara flott," sagði vinstri bakvörðurinn.