Bayern 2 - 2 Real Madrid
0-1 Vinicius Junior ('24 )
1-1 Leroy Sane ('53 )
2-1 Harry Kane ('57 , víti)
2-2 Vinicius Junior ('83 , víti)
0-1 Vinicius Junior ('24 )
1-1 Leroy Sane ('53 )
2-1 Harry Kane ('57 , víti)
2-2 Vinicius Junior ('83 , víti)
Bayern München og Real Madrid gerðu 2-2 jafntefli í fyrri undanúrslitaleik liðanna í Meistaradeild Evrópu á Allianz-leikvanginum í München í kvöld.
Heimamenn voru með öll völd í byrjun leiks og líklegri aðilinn til að skora.
Tölfræði segir ekki allt. Real Madrid þurfti bara eina sókn. Toni Kroos kom með glæsilega sendingu inn fyrir á Vinicius Junior sem kláraði af yfirvegun á 24. mínútu.
Eftir markið voru það Madrídingar sem voru að stýra leiknum og fóru þeir inn í hálfleikinn með eins marks forystu.
Bayern átti stórkostlega byrjun á síðari hálfleiknum. Leroy Sane jafnaði metin á 53. mínútu með föstu vinstri fótar skoti, eftir að hafa leiki sér með boltann hægra megin við teiginn.
Nokkrum mínútum síðar fengu heimamenn vítaspyrnu. Jamal Musiala er afar flinkur í að rekja boltann, svo flinkur að Lucas Vazquez sá enga aðra leið en að rífa hann niður í teignum.
Harry Kane dró djúpt inn andann áður en hann setti spyrnuna í vinstra hornið og Bayern komið í 2-1.
Suður-Kóreumaðurinn Kim-Min Jae var skúrkurinn í Bayern-liðinu í kvöld, en hann reif Rodrygo niður á hinum enda valalrins þegar tæpar tíu mínútur voru eftir og fengu Madrídingar þar gullið tækifæri til að jafna. Vinicius gerði það auðvitað og allt hnífjafnt.
Lokatölur í München, 2-2. Liðin eigast aftur við á Santiago Bernabeu í næstu viku.
Athugasemdir