Heimir gengur í flugvélina með töskuna góðu eftir að hafa endurheimt hana.
Flug Íslands til Gelendzhik í Rússlandi tafðist í dag þar sem Heimir Hallgrímsson, landsliðsþjálfari, setti ferðatöskuna sína í ranga rútu þegar landsliðið kom saman í morgun.
Heimir setti töskuna sína í farangursgeymsluna á rangri rútu en sú rúta var á leið í Stykkishólm!
Heimir setti töskuna sína í farangursgeymsluna á rangri rútu en sú rúta var á leið í Stykkishólm!
Mistökin komust upp þegar rútan var mætt við Hvalfjarðargöngin en Guðlaugur Gunnarsson, starsfmaður KSÍ sem býr á Akranesi, tók töskuna þar og kom henni í Leifsstöð.
„Ég ætlaði að spara tíma. Ég ætlaði að flýta fyrir og setja töskuna út í rútu en þetta var ekki rútan okkar. Ég tek þetta á mig," sagði Heimir og hló í samtali við Fótbolta.net í Leifsstöð.
„Það er gott að byrja á einum góðum brandara. Ég verð fyrir einelti hjá starfsliðinu næstu dagana og Siggi (Dúlla, búningastjóri) hefur eitthvað á mig núna."
Heimir mætir töskulaus í Leifsstöð.
Lögregluþjónn bíður eftir Heimi með töskuna hans.
Heimir fær töskuna.
Lögregluþjónarnir sem sáu um að koma töskunni síðasta spölinn til Heimis.
Athugasemdir
