Unai Emery, þjálfari Aston Villa, var svekktur eftir 0-4 tap á heimavelli í evrópuslag gegn Tottenham í ensku úrvalsdeildinni í gær.
Staðan var markalaus í leikhlé en Tottenham komst í tveggja marka forystu í síðari hálfleik áður en John McGinn fékk að líta beint rautt spjald fyrir heimskulegt brot á miðjum velli. Skoski miðjumaðurinn var ekkert að hugsa um boltann þegar hann sparkaði Destiny Udogie niður og var sendur í sturtu.
Sjáðu atvikið
„Við áttum góðan fyrri hálfleik þar sem þeir sköpuðu sér engin færi. Okkur tókst ekki að nýta þau færi sem við sköpuðum og í seinni hálfleik skoruðu þeir mögnuð mörk til að komast í tveggja marka forystu. Eftir rauða spjaldið varð þrautin talsvert þyngri," sagði Emery, sem beindi næstu orðum sínum að McGinn.
„Það er mikilvægt að hafa stjórn á tilfinningunum, þó að við séum að tapa með tveimur. Það er á okkar ábyrgð að sýna þroska, þetta rauða spjald eru vonbrigði fyrir mig. John McGinn er mjög mikilvægur leikmaður fyrir okkur, þetta er annað rauða spjaldið hans í 600 leikjum held ég. Hann er heiðarlegur leikmaður með mikið keppnisskap, hann ætlaði sér ekki að meiða neinn."
Aston Villa er í fjórða sætinu eftirsótta sem stendur, tveimur stigum fyrir ofan Tottenham sem á leik til góða.
„Við þurfum að spila betur í svona mikilvægum leikjum. Við erum ennþá í fjórða sæti en við misstum af stóru tækifæri í dag. Núna er mikilvægt að bregðast hratt og vel við, við þurfum að samþykkja þetta tap og setja alla einbeitinguna á næsta leik gegn Ajax. Við munum þurfa á stuðningsfólkinu okkar að halda."
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 34 | 24 | 5 | 5 | 82 | 26 | +56 | 77 |
2 | Man City | 33 | 23 | 7 | 3 | 80 | 32 | +48 | 76 |
3 | Liverpool | 34 | 22 | 8 | 4 | 75 | 34 | +41 | 74 |
4 | Aston Villa | 34 | 20 | 6 | 8 | 71 | 50 | +21 | 66 |
5 | Tottenham | 32 | 18 | 6 | 8 | 65 | 49 | +16 | 60 |
6 | Man Utd | 33 | 16 | 5 | 12 | 51 | 50 | +1 | 53 |
7 | Newcastle | 33 | 15 | 5 | 13 | 69 | 54 | +15 | 50 |
8 | West Ham | 34 | 13 | 9 | 12 | 54 | 63 | -9 | 48 |
9 | Chelsea | 32 | 13 | 8 | 11 | 61 | 57 | +4 | 47 |
10 | Bournemouth | 34 | 12 | 9 | 13 | 49 | 60 | -11 | 45 |
11 | Brighton | 33 | 11 | 11 | 11 | 52 | 54 | -2 | 44 |
12 | Wolves | 34 | 12 | 7 | 15 | 46 | 54 | -8 | 43 |
13 | Fulham | 34 | 12 | 6 | 16 | 50 | 54 | -4 | 42 |
14 | Crystal Palace | 34 | 10 | 9 | 15 | 44 | 56 | -12 | 39 |
15 | Brentford | 34 | 9 | 8 | 17 | 52 | 59 | -7 | 35 |
16 | Everton | 34 | 11 | 8 | 15 | 36 | 48 | -12 | 33 |
17 | Nott. Forest | 34 | 7 | 9 | 18 | 42 | 60 | -18 | 26 |
18 | Luton | 34 | 6 | 7 | 21 | 47 | 75 | -28 | 25 |
19 | Burnley | 34 | 5 | 8 | 21 | 37 | 69 | -32 | 23 |
20 | Sheffield Utd | 34 | 3 | 7 | 24 | 33 | 92 | -59 | 16 |
Athugasemdir