Þremur fyrstu leikjum dagsins er lokið í ítalska boltanum þar sem Christian Pulisic skoraði eina mark leiksins í 1-0 sigri AC Milan gegn Empoli.
Pulisic skoraði eftir stoðsendingu frá Noah Okafor en Milan tókst ekki að tvöfalda forystuna þrátt fyrir yfirburði á vellinum.
Milan klifrar upp í annað sæti Serie A deildarinnar með þessum sigri og er þar einu stigi fyrir ofan Juventus, sem gerði jafntefli á heimavelli í dag.
Juve tók á móti Atalanta í Evrópuslag og skoraði Teun Koopmeiners eina markið í fyrri hálfleik, eftir undirbúning frá Mario Pasalic.
Juve var sterkari aðilinn og náði að snúa stöðunni sér í vil með tveimur mörkum á fjögurra mínútna kafla um miðbik seinni hálfleiksins. Weston McKennie lagði bæði mörkin upp, fyrst fyrir Andrea Cambiaso og svo fyrir Arkadiusz Milik.
Það liðu þó aðeins fimm mínútur þar til Koopmeiners slapp í gegn og jafnaði leikinn í 2-2.
Juve tókst ekki að pota inn sigurmarki og urðu lokatölurnar 2-2. Heimaliðið var sterkara í dag en náði aðeins að krækja sér í stig.
Verona hafði þá betur gegn Lecce í fallbaráttuslag þökk sé marki frá Michael Folorunsho, sem hefur verið að gera flotta hluti á tímabilinu.
Þetta var annar sigurinn í röð hjá Verona og er liðið loksins komið úr fallsæti.
Milan 1 - 0 Empoli
1-0 Christian Pulisic ('40 )
Juventus 2 - 2 Atalanta
0-1 Teun Koopmeiners ('35 )
1-1 Andrea Cambiaso ('66 )
2-1 Arkadiusz Milik ('70 )
2-2 Teun Koopmeiners ('75 )
Lecce 0 - 1 Verona
0-1 Michael Folorunsho ('17 )
Stöðutaflan
Ítalía
Serie A - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Inter | 33 | 27 | 5 | 1 | 79 | 18 | +61 | 86 |
2 | Milan | 33 | 21 | 6 | 6 | 64 | 39 | +25 | 69 |
3 | Juventus | 33 | 18 | 10 | 5 | 47 | 26 | +21 | 64 |
4 | Bologna | 33 | 17 | 11 | 5 | 48 | 26 | +22 | 62 |
5 | Roma | 33 | 17 | 7 | 9 | 59 | 39 | +20 | 58 |
6 | Atalanta | 32 | 16 | 6 | 10 | 59 | 37 | +22 | 54 |
7 | Lazio | 33 | 16 | 4 | 13 | 42 | 35 | +7 | 52 |
8 | Napoli | 33 | 13 | 10 | 10 | 50 | 41 | +9 | 49 |
9 | Fiorentina | 32 | 13 | 8 | 11 | 45 | 36 | +9 | 47 |
10 | Torino | 33 | 11 | 13 | 9 | 31 | 29 | +2 | 46 |
11 | Monza | 33 | 11 | 10 | 12 | 35 | 43 | -8 | 43 |
12 | Genoa | 33 | 9 | 12 | 12 | 35 | 40 | -5 | 39 |
13 | Lecce | 33 | 8 | 11 | 14 | 30 | 48 | -18 | 35 |
14 | Cagliari | 33 | 7 | 11 | 15 | 36 | 56 | -20 | 32 |
15 | Verona | 33 | 7 | 10 | 16 | 31 | 44 | -13 | 31 |
16 | Empoli | 33 | 8 | 7 | 18 | 26 | 48 | -22 | 31 |
17 | Udinese | 33 | 4 | 16 | 13 | 31 | 50 | -19 | 28 |
18 | Frosinone | 33 | 6 | 10 | 17 | 40 | 63 | -23 | 28 |
19 | Sassuolo | 33 | 6 | 8 | 19 | 39 | 65 | -26 | 26 |
20 | Salernitana | 33 | 2 | 9 | 22 | 26 | 70 | -44 | 15 |
Athugasemdir