Grindavík og FHL áttust við í eina leik dagsins í B-deild Lengjubikars kvenna og úr varð afar fjörug viðureign, þar sem staðan var jöfn 2-2 í leikhlé.

Grindavík komst í þriggja marka forystu eftir leikhlé en FHL var ekki á því að gefast upp og náði að minnka muninn aftur niður í eitt mark.

Lokatölur urðu 5-4 þar sem Sigríður Emma F. Jónsdóttir var atkvæðamest í sigurliði Grindvíkinga með tvennu, en Mist Smáradóttir, Una Rós Unnarsdóttir og Ísabel Jasmín Almarsdóttir komust einnig á blað.

Christa Björg Andrésdóttir og Björg Gunnlaugsdóttir skoruðu sitthvora tvennuna fyrir FHL.

Grindavík er með sjö stig eftir fimm umferðir á meðan FHL vermir botnsæti B-deildarinnar, með eitt stig úr fjórum leikjum.