Heimamenn voru sterkari aðilinn og gáfu ekki færi á sér, en gestirnir frá Wolfsburg misstu Moritz Jenz af velli með tvö gul spjöld eftir 28 mínútur.

Það leið ekki á löngu þar til Nathan Tella tók forystuna fyrir Leverkusen, með skalla eftir frábæran undirbúning frá Alejandro Grimaldo sem er að eiga stórkostlegt fyrsta tímabil með sínu nýja félagi.

Leverkusen var við stjórn en tókst ekki að innsigla sigurinn fyrr en á lokakaflanum, þegar Florian Wirtz kom boltanum í netið á 86. mínútu.

Leverkusen er með tíu stiga forystu á FC Bayern þegar níu umferðir eru eftir af titilbaráttunni.

Eintracht Frankfurt og Freiburg unnu einnig sína leiki í dag, þar sem Mario Götze skoraði og lagði upp í 3-1 sigri Frankfurt gegn Hoffenheim.

John Anthony Brooks kom Hoffenheim yfir snemma leiks en fékk svo að líta beint rautt spjald á 22. mínútu. Tíu leikmenn Hoffenheim réðu ekki við fullskipað lið heimamanna í Frankfurt og voru aðeins níu eftir á vellinum undir lokin, eftir að Ozan Kabak var einnig rekinn útaf.

Michael Gregoritsch skoraði þá og lagði upp í 1-2 sigri Freiburg í Bochum.

Leverkusen 2 - 0 Wolfsburg
1-0 Nathan Tella ('37 )
2-0 Florian Wirtz ('86 )
Rautt spjald: Moritz Jenz, Wolfsburg ('28)

Eintracht Frankfurt 3 - 1 Hoffenheim
0-1 John Brooks ('6 )
1-1 Robin Koch ('32 )
2-1 Eric Ebimbe ('50 )
3-1 Mario Gotze ('64 )
Rautt spjald: John Brooks, Hoffenheim ('22)
Rautt spjald: Ozan Kabak, Hoffenheim ('78)

Bochum 1 - 2 Freiburg
0-1 Maximilian Eggestein ('36 )
0-2 Michael Gregoritsch ('53 )
1-2 Ivan Ordets ('62 )