Luis Suarez komst mjög nálægt því að skora þegar Barcelona lagði Manchester United að velli í Meistaradeildinni í kvöld.
Suarez virtist skora eina mark leiksins en við nánari athugun má sjá að boltinn fer af Luke Shaw, bakverði United, og inn.
Suarez virtist skora eina mark leiksins en við nánari athugun má sjá að boltinn fer af Luke Shaw, bakverði United, og inn.
Suarez fær því ekki markið skráð á sig og hann er örugglega mjög svekktur með það þar sem hann hefur ekki skorað mark á útivelli í Meistaradeildinni síðan í september 2015.
Þetta er niðurstaðan þrátt fyrir að Barcelona hafi að minnsta kosti komist í 8-liða úrslit á öllum tímabilum síðan þá.
Þessi mikli markaskorari þarf eitthvað að bíða áfram eftir markinu á útivelli.
Duncan Alexander á Opta birti athyglisverða staðreynd á Twitter í kvöld. Þar segir hann að allur aðalliðsferill Marcus Rashford hafi átt sér stað síðan Suarez skoraði síðast á útivelli í Meistaradeildinni.
Rashford lék sinn fyrsta aðalliðsleik fyrir United þann 25. febrúar 2016 gegn Midtjylland í Evrópudeildinni.
Marcus Rashford's entire first team career has taken place since Luis Suarez last scored a Champions League goal away from home
— Duncan Alexander (@oilysailor) April 10, 2019
Athugasemdir