Belgíski landsliðsmaðurinn Thorgan Hazard mun yfirgefa Borussia Mönchengladbach í sumar. Max Eberl, yfirmaður knattspyrnumála hjá Gladbach, staðfestir þetta.
Thorgan er yngri bróðir Eden Hazard, sem leikur með Chelsea.
Hann hefur leikið mjög vel með Gladbach á leiktíðinni, skorað 14 mörk og lagt upp níu í 37 leikjum í öllum keppnum.
Hinn 26 ára gamli Hazard rennur út á samningi eftir næstu leiktíð og ætlar Gladbach að selja hann í sumar í stað þess að missa hann á frjálsri sölu.
„Thorgan hefur sagt okkur að hann ætli ekki að framlengja samning sinn og að hann vilji fara í sumar til að taka næsta skref," sagði Eberl við Sky í Þýskalandi.
„Svona er þetta því miður fyrir okkur."
Thorgan hefur verið orðaður við Borussia Dortmund, en Liverpool er einnig nefnt í umræðunni.
Liverpool linked with Thorgan Hazard for £40m. Was rumoured to be moving to Dortmund but reports in Belgium say Gladbach would rather sell to a team outside the Bundesliga. https://t.co/h7aXx65zfA
— James Nalton (@JDNalton) April 8, 2019
Athugasemdir