Damsgaard lék 49 leiki í öllum keppnum fyrir Sampdoria en spilaði aðeins ellefu leiki á síðasta tímabili þar sem hann var að glíma við meiðsli.

Damsgaard hefur spilað sextán landsleiki fyrir Danmörku og skorað tvö mörk, annað þeirra var eftirminnilegt aukaspyrnumark gegn Englandi á Wembley á EM alls staðar.

Brentford byrjaði nýtt tímabil í ensku úrvalsdeildinni með 2-2 jafntefli gegn Leicester síðasta sunnudag og Damsgaard gæti spilað sinn fyrsta leik fyrir nýja vinnuveitendur á laugardag, gegn Manchester United.