Roberto Martínez, landsliðsþjálfari Belga, hrósaði Gylfa Þór Sigurðssyni í hástert á fréttamannafundi fyrir leikinn gegn Íslandi annað kvöld.
Martínez var áður stjóri Wigan og Everton og hann þekkir því að mæta Gylfa í ensku úrvalsdeildinni.
Martínez var áður stjóri Wigan og Everton og hann þekkir því að mæta Gylfa í ensku úrvalsdeildinni.
„Gylfi er leikmaður sem ég hef fylgst náið með. Hann náði að vaxa og fara til Spurs. Síðan sáum við hann sem alvöru fótboltamann hjá Swansea," sagði Martínez á fréttamannafundinum í kvöld.
„Hann var seldur á 50 milljónir evra sem sýnir hversu öflugur hann var."
„Hann er með frábærar sendingar með hægri fæti, er góður að spila á milli línanna og það er mjög erfitt að finna svona leikmenn."
„Hann hefur staðið sig mjög vel í erfiðustu deild í heimi. Það segir allt um Gylfa."
Ísland og Belgía mætast í Þjóðadeildinni á Laugardalsvelli klukkan 18:45 annað kvöld.
Athugasemdir