Það var einn leikur í Pepsi-deild kvenna í kvöld. Með honum lauk níundu umferð deildarinnar.

KR fékk HK/Víking í heimsókn og þurfti á stigunum að halda til að galopna fallbaráttuna.

Leikurinn byrjaði vel fyrir KR-inga - Katrín Ómarsdóttir skoraði fyrsta mark leiksins á níundu mínútu og staðan 1-0 fyrir KR. Forystan entist ekki lengi því Hildur Antonsdóttir jafnaði tveimur mínútum síðar.

Staðan var 1-1 í hálfleik en snemma í seinni hálfleiknum gekk HK/Víkingur frá leiknum. Margrét Sif Magnúsdóttir skoraði tvö mörk með stuttu millibili og þar við sat.

Frábær 3-1 sigur HK/Víkings staðreynd.

Hvað þýða þessi úrslit?
HK/Víkingur er núna með 10 stig í sjötta sæti og er að koma fólki á óvart með frammistöðu sinni. KR er einmana á botninum og hefur aðeins þrjú stig eftir fyrri hluta tímabilsins.