Lestu um leikinn: Keflavík 1 -  0 Þróttur R.

„Þau voru virkilega mikilvæg og góð en neinei það getur vel verið að þetta hafi ekki verið skemmtilegur fótboltaleikur á að horfa en hann var taktískur og mikið lagt í leikinn. Þú sást þegar leið á að menn voru liggjandi eins og hráviðar út um allan völl því menn voru búnir að gefa allt sem þeir áttu í þennan leik," sagði Guðlaugur við Fótbolta.net.

„Mér fannst við klaufskir og vorum stressaðir í byrjun. Við jöfnuðum okkur á þvi og svo var þetta kaflaskipt svona tíu mínútur þarna og tíu mínútur þar."

Það voru nokkrir reynsluboltar sem voru ekki með en það vantaði tildæmis Sigurberg Elísson til að mata menn.

„Auðvitað munar um þessa reynslubolta sem eru fyrir utan hjá okkur og þá verðum við að hrósa þessum ungu sem koma inn og leysa verkefni fyrir þá."

Það eru sex umferðir eftir en Laugi segir að ekkert verður gefið eftir og næsta verkefni gegn Haukum verði afar verðugt.

„Við eigum hörkuleik á móti Haukum í næstu umferð og það verður verðugt verkefni. Það eru ekki mörg lið sem fara á Ásvelli og taka punkta þar, sagði hann ennfremur.

Hægt er að sjá viðtalið í heild sinni hér fyrir ofan.