Thomas Tuchel, stjóri Chelsea, hefur staðfest það að félagið hafi reynt við Jules Kounde, leikmann Sevilla, í sumar.
Kounde var ofarlega á óskalista Chelsea en enska liðinu mistókst að krækja í hann áður en glugginn lokaði.
Búist var við að Kounde myndi ganga í raðir Chelsea á lokadegi félagaskiptagluggans á sama tíma og liðið fékk Saul frá Atletico Madrid.
„Það var augljóst að við reyndum við Kounde og Saul en þetta gerðist mjög, mjög seint. Glugginn gekk í heildina litið mjög vel fyrir sig," sagði Tuchel.
Chelsea náði aldrei samkomulagi við Sevilla um kaupverð en Kounde vildi mikið semja við Evrópumeistarana.
Athugasemdir
