Sarri gerði frábæra hluti með Napoli á þremur árum og kom liðinu í hóp þeirra bestu á Ítalíu.

Hann tók við enska félagið Chelsea í sumar og hefur gert góða hluti þar en De Laurentiis heldur áfram að gagnrýna Sarri.

„Sarri? Ég hélt ég hefði hitt þjálfara sem ætlaði sér að vera hjá Napoli til margra ára. Þegar öllu er á botninn hvolft þá var þetta spurning um peninga," sagði De Laurentiis.

„Allt í einu ákváðu fjölmiðlar að það þyrfti að hækka hann í launum. Við fórum úr 700 þúsund evrum í 1,5 milljón evra í árslaun. Ég heyrði hann líka einu sinni segja að hann ætlaði sér að verða ríkur af næsta samning sem hann myndi skrifa undir."

„Hann talaði um ást sína á Napoli og ég trúði því en svo hugsaði ég hvort hann væri bara að nota mig sem einhvern banka," sagði hann í lokin.