Úrslitin hafa heldur betur verið óvænt í bikarnum þetta árið en nú er aðeins eitt A-deildarlið í undanúrslitum.

Saarbrücken hafði þegar hent Bayern München og Eintracht Frankfurt úr leik.

Ekki byrjaði það vel fyrir Saarbrücken sem lenti undir á 8. mínútu eftir mistök hægra megin á vellinum. Robin Hack fékk í kjölfarið boltann við vítateigslínuna og sendi boltann neðst í vinstra hornið.

Þremur mínútum síðar kom jöfnunarmarkið eftir frábært skot Amine Naifi rétt fyrir utan teiginn.

Heimamenn í Saarbrücken björguðu á línu á 18. mínútu leiksins og voru alls ekki á því að fá mark í bakið.

Þegar rúmar tvær mínútur voru komnar fram yfir venjulegan leiktíma rifnaði þakið af leikvangnum þegar Kai Brünken skoraði sigurmarkið eftir hraða sókn.

Hreint út sagt ótrúlegt ævintýri Saarbrücken sem er nú komið áfram í undanúrslit og mætir þar B-deildarliði Kaiserslautern.

Í hinum undanúrslitaleiknum mætast Bayer Leverkusen og Fortuna Düsseldorf, sem Ísak Bergmann Jóhannesson spilar fyrir.