Íslenski landsliðsmaðurinn Gylfi Þór Sigurðsson er ekki í úrvalsdeildarhópi Everton á þessari leiktíð og getur því ekki spilað með liðinu fyrr en í fyrsta lagi í janúar.
Ensku félögin skiluðu hópunum þann 1. september en úrvalsdeildin birti alla hópa á vefsíðu sinni um helgina.
Gylfi Þór var ekki í 25-manna hópi Everton en félagið getur skráð hann aftur í hópinn í janúar. Þó hann megi ekki spila í úrvalsdeildinni þá getur hann spilað fyrir Everton í deildabikarnum.
Leikmaðurinn er til rannsóknar hjá lögreglunni í Manchester vegna brots gegn ólögráða einstaklingi en hann hefur hvorki æft né spilað með Everton síðan i lok júlí.
Gylfi er laus gegn tryggingu til 16. október.
Athugasemdir