Boychuk kom til Íslands fyrir síðasta tímabil eftir að hafa spilað í háskólaboltanum í Bandaríkjunum. Hún á einnig leiki fyrir yngri landslið Kanada.

Alls spilaði hún 23 leiki og skoraði 6 mörk er Þróttur hafnaði í 3. sæti Bestu deildarinnar.

Nú hefur hún ákveðið að taka næsta skref ferilsins en hún samdi í gær við sænska úrvalsdeildarliðið Vittsjö og mun spila með liðinu á komandi leiktíð.

Vittsjö gerði vel á síðustu leiktíð og hafnaði í 5. sæti sænsku deildarinnar en árið áður hafnaði liðið í 6. sæti.