Íþróttafélög eru byrjuð að tilkynna um æfingar sem falla niður. Hér fyrir neðan má sjá tilkynningu sem Fram birti í gær.

„Sælir FRAMarar/foreldrar og forráðamenn," skrifar Þór Björnsson, íþróttastjóri Fram.

„Í ljósi fyrirhugaðs samkomubanns hefur verið tekin ákvörðun um að allar æfingar falli niður frá og með laugardegi 14. mars um ótiltekinn tíma.

„Þetta á við um allar greinar innan félagsins og íþróttaskóla FRAM í Ingunnarskóla

„Hvað varðar framhaldið þá verða sendar út frekari upplýsingar eftir helgi.

„Verið að vinna í áætlun varðandi framhaldið og meira á mánudag."