Al-Hilal fer hamförum í Sádí-Arabíu á þessari leiktíð en liðið vann 28. leikinn í röð þegar liðið lagði Al-Ittihad í Meistaradeildinni á dögunum.
Liðið bætti heimsmet með sigrinum en engu liði hefur tekist að vinna jafn marga leiki í röð í atvinnumannadeild.
TNS frá Wales átti metið en liðið vann 27 leiki í röð tímabilið 2016/17. Ajax ('71-'72 og '94-'95) er í þriðja og fjórða sæti á listanum.
Al-Hilal er á toppi sádí-arabísku deildarinnar tólf stigum á undan Cristiano Ronaldo og félögum í Al-Nassr.
Aleksander Mitrovic hefur farið hamförum í liði Al-Hilal en hann hefur skorað 31 mark í 33 leikjum. Menn á borð við Kalidou Koulibaly, Sergej Milinkovic-Savic og Neymar leika einnig með liðinu. Neymar hefur þó aðeins spilað fimm leiki vegna langvarandi meiðsla.
