Fótboltafréttamaðurinn Fabrizio Romano segir það vera svo gott sem staðfest að Igor Tudor tekur við þjálfarastarfinu hjá Lazio eftir að Maurizio Sarri sagði upp starfinu á dögunum.
Sarri sagði upp starfinu eftir tap á heimavelli gegn Udinese en það var fjórða tap liðsins í röð í öllum keppnum.
Tudor hitti Claudio Lotito, forseta Lazio, í gærkvöldi og ræddu þeir um bráðabirgðasamning sem gildir út tímabilið með möguleika á framlengingu ef vel gengur.
Tudor er 45 ára gamall og stýrði síðast Marseille í Frakklandi, en hann hefur meðal annars þjálfað Udinese og Hellas Verona á ferlinum.
Hann tekur við af Sarri sem hættir eftir rúmlega tvö og hálft ár í starfi, eftir að hann tók við Lazio í júní 2021.
Athugasemdir
